Online itzultzailea

Google teknologiaz baliatzen den Tradukka online itzultzaileak tekleatu edo kopiatzen duguna momentuan bihurtzen du aukeratutako hizkuntzara. Euskara erabiltzeko oraindik aukera ez badago ere, erabilgarri suerta daiteke guraso atzerritarrei beraien hizkuntzaz oharrak idazteko edo ikasleekin gaztelaniazko ariketak egiteko.

Educación tecnológica blogeko sarrera honetan irakurritako informazioa.

2009/10 ikasturteko prestakuntza

HIPI berrientzako prestakuntza saioak:
Datak: 2009ko irailaren 21a eta 22a.
Lekua: Gasteizko Berritzegunea. Gasteiz Etorbidea, 93.
Ordutegia: 10etatik 14:30ak arte.

HIPI guztientzako mintegi bilerak:
Urriak 19
Azaroak 23
Abenduak 14
Urtarrilak 25
Otsailak 22
Martxoak 15
Apirilak 26
Maiatzak 10

Dinamizatzaile berrientzako prestakuntza saioa:
Data: 2009ko irailaren 23a.
Lekua: Bilbon, Berritzegune Nagusian, Tolosa kalea, 6.
Ordutegia: 10etatik 14:30ak arte.

Dinamizatzaile guztientzako mintegi bilerak:
Urriak 5
Azaroak 2
Urtarrilak 11
Otsailak 1
Martxoak 1
Apirilak 12
Maiatzak 10

Besteen kulturak eta hizkuntzak ikastetxean sartuz

Berrobiko eskolaren web gunean beste gauza askoren artean Lurbiran izeneko jardueren berri ematen dute. Orri horietan Berrobiko inguruan bizi diren zenbait pertsona atzerritar batzuen partaidetza aurkezten da argazkiez eta testuz.

Immigrazio buruzko jarduerak

Matilde Martínezek immigrazioari buruzko Bigarren Hezkuntzako lan bat komentatzen du Palabras Tendidas blogean Emigrantes izenburuko sarreran. Ideia didaktiko hori (edo antzeko bat) praktikara eramateko bere proposamenak ere ematen ditu bertan.

Etorri berrien gelari buruzko bloga

Mis Primeras Semanas en el Aula de Enlace blogak, beste gauza batzuen artean, zenbait ideia didaktiko eta gaztelania bigarren hizkuntza bezala irakasteko baliabideak biltzen ditu.

VI Congreso Regional de Educación de Cantabria

Joan den apirilean izandako VI Congreso Regional de Educación de Cantabria: Diversidad Cultural en los Centros Educativos jardunaldien bideoak jarrita daude jadanik Interneten, helbide honetan. Grabaketak oso ondo egituratuta daude eta ezker aldeko zutabe batean saio bakoitzaren momentu nagusiak erraz bilatu eta ikusteko aukera ematen dute.

Durangoko liburutegiko kultura arteko proiektua

Durangoko Udal Immigrazio Arloak hango liburutegiko arduradunekin elkarlanean, bertako bizilagun etorkinei zuzendutako zerbitzu berria antolatu du. Proiektuak 'Kultura arteko Liburutegia' du izena eta beste herrialdetako hiritarren partaidetza bultzatu nahi du.

Beste gauzen artean, 'Munduko Egunkariak' ekintza jarri dute martxan. Horren bidez inprimatutako egunkariak irakurtzeko aukera dute bai etorkinek bai nazioarteko gaietan edota atzerriko hizkuntzetan interesa duen edozein erabiltzek.

Web gune honetatik zenbait herrialdetako egunkarien bertsio digitaletan sartzeko loturak daude.

Gaztelania irakasteko zenbait erreferentzia

Nahiz eta gaztelaniaren irakaskuntzarako pentsatuta egon, Acogida y eL2 blogeko Breve recopilación de materiales impresos para EL2 en primaria sarreran, argitaratutako baliabideen erreferentzia ugari bilduta izatea baliagarri suerta daiteke nolako materialak erabiltzen ari diren ezagutzeko.

Munduko hizkuntzak

Miquel Tarradell Institutuan Llengües del món proiektua eramaten dute praktikara. Horren bidez bi helburu lortu nahi dira: alde batetik, ikasle etorri berrien hasierako prestakuntzan eskolako hizkuntzaz oinarrizko hiztegia lantzea eta, beste aldetik, ikasleen hizkuntzak eskola komunitatean presentzia sustatzea.

Zenbait proiekturen deskribapenak

Iruñeako Ave María Ikastetxeko zenbait proiekturen deskribapena (Kultura arteko proiektua, portugalerazko klaseak, PROA...)

Bartzelonako I.E.S. Bernat Metge Institutuan dokumentalak egiteko proiektu batean parte hartu dute.

IES Miquel Tarradell-en katalana irakasteko Taller de Teatre esperientzia egin zuten.

Munduari bira 80 liburuetan

Burgosko Juan de Vallejo LHko ikastetxean "La vuelta al mundo en 80 libros" izeneko proiektua jarri dute praktikan. Esperientzia hau hamalau proposamen didaktikotan oinarritzen da. Proposamen horien ardatz nagusiak ulermenerako irakurketa eta kultura nahiz bizimodu desberdinen ezagutza dira.

Hilabeteko hizkuntza

Londresko Newbury Park Lehen Hezkuntzako ikastetxean 'Hilabeteko Hizkuntza' proiektua praktikan jartzen dute.

Eskolako maila guztietako haurrek parte hartzen dute, hilabetero ikasle bat "hizkuntz aditu" bihurtuz. Ikasle horrek zenbait hitz eta esaera grabatzen ditu. Irakasleek ere hilabete horretan aukeratutako hizkuntza eta horrekin lotuta dagoen kultura lantzeko baliabideak jasotzen ditu.

Klika ezazu irudiaren gainean ikasleek egindako grabazioen adibideak ikusi nahi badituzu.