2017/12/21

Zenbait hizkuntzaren ezaugarriak

Ikasle etorri berrien zenbait jatorrizko hizkuntzaren ezaugarriak pixka bat ezagutzen laguntzeko, Gironako Unibertsitateak 'Llengua, immigració i ensenyament del català' dokumentu bilduman
argitaratu du.

2017/11/29

HIPIen zenbait estrategia didaktiko

Hona hemen gaurko mintegi saioan aurkeztutako zenbait ideia:

Munduko mapak. Ikasle etorri berria iristen denean, bere jatorrizko herialdea bilatzen da, horri buruz hitz egiten da, 'ongi etorri' ikaslearen hizkuntzaz idazten da...

Ikasle etorri berrien hizkuntzetan hitz zerrendak jartzen dira horma batean (koloreak, zenbait hitz arrunt...). Hau ere ikaslearen taldearen gela arruntean egin liteke bertako ikasleekin hiztegi hori lantzeko.

Euskarazko eguneroko hizkuntza pratikatzeko errutinak (eguraldia, data...), esamoldeak... hormetan.

Ordenagailu bat, pantaila handi batekin goian.

Egutegia

Piktograma liburuxkak

Denbora pasak, hitz jokoak...

Film laburrak (batez ere ulermena lantzeko edota bertan ikusten denetik abiatuta, hitz egiteko). Zenbait teknika: egun batean bideoa jarri ikusteko bakarrik; hurrengo saio batean, zertaz hitz egiten den identifikatzen da; beste une batean, bideoan esaten den zerbait aurkezten zaie ikasleei eta haiek, entzuten dutenean, identifikatu behar dute...

Ikasleek ikasitakoaz kontziente izateko, bi ideia:
1) Zerbait berri ikasi duten galdetzen zaie eta Post-It batean jartzen dute.
2) Irudi sekuentzia bat ematen zaie (komiki mutu bat, adibidez) hizkuntza proposatzeko (elkarrizketa, kontaketa...); hilabete bat pasa ondoren, gauza bera ematen zaie eta emaitzak konparatzen dira aurreapenaz ohartzeko.

Komikiak, bi ideia:
1) Istorio mutuak erabili elkarrizketak proposatzeko.
2) Istorio laburrak eman gero antzezteko.

'Betiko' ipuinak (bilduma arrakastatsuen liburuak, adibidez) entzun, irakurri... eta ahal den neurrian buruz ikasi.

Margolari baten bizitza eta lanetan oinarritutako jarduerak. Adibidez, Mentxu Galen margolanak, deskribapenak egiteko, bere biografia iragana erabiltzeko, bere izeneko museora joatea irteera bat antolatzeko...

Antzerkia: gelara ileordeak, jantzi bereziak, zapiak... eramatea ikasleek haien antzezlanak ekoizteko.

Ikasleen behar duten hizkuntza hobe ezagutzeko, haiei galdetzen zaie normalean zer esaten dieten beste ikasleei gaztelaniaz eta hizkuntza hori lantzen da euskaraz. Adibidea: Baloia pasako didazu?

Abestiak: karaokea.

Txiste ulergarriak kontatu.

Hizkuntza akademikoa landu: Biologia, Geologia, Gizartea... arloetan aurreratzen laguntzeko.




2017/11/28

Oinarrizko hitzak

Liburuxka honetan euskararen oinarrizko hiztegia (2.500 hitz) islatzen da. Dokumentu hau 1989an argitaratu daa eta 2014an errepasoa eman zaio, osatu egin da eta zenbait hitzen idazkera eguneratu da.




2017/11/27

Populismoak eta immigrazioaren inguruko jarrerak

2017ko azaroaren 16 eta 17 egunetan  Ikuspegi eta Biltzen erakundeek antolatutako VII. Jardunaldiak: Immigrazioa eta Integrazioa EAEn egin ziren Bilbon. Aurtengo gaia honako hau izan zen: Populismoak eta Immigrazioaren Inguruko Jarrerak.

Horiei buruz gehiago jatikeko, hemen dituzue hurrengo bi lotura:

2017/10/19

DBHko 1 eta 2 mailetan Historia, Geografia, Biologia eta Geologiako hainbat gai lantzeko material egokitua aurki daiteke web gune honetan.


https://sites.google.com/site/orientasare/aniztasuna/curriculum-anitzeko-programak-dc-1

2017/06/07

Ikuspegi: immigrazioari begirada


Atzerritar jatorriko biztanleria EAEn 2017

Begirada honetan, EAEko atzerritar jatorriko biztanleen datuak aurkezten dira, 2017ko urtarrilaren 1eko behin-behineko datuak, hain zuzen ere.
Immigrazioari begirada
Panorámica de la inmigración


 

2017/05/17

Maiatzaren 17ko bileran gomendatutako baliabideak

1. Irratsaioak ikasle etorri berriekin egitea. Daviniak grabazio bat helaraziko digu datorren ikasturtean lehenengo saioan entzuteko.


2. Power Point aurkezpenak egitea ere ekintza arrakastatsua da.


3. Laburmetraiak, ipuinak izango balira, zenbait hizkuntz egiturak lantzeko erabiltzen dira. Hamabostean behin aurkezten da bat eta oso baliabide motibagarri suertatu da.


4. Aurkitzen Proiektua. Ahozko Hizkuntza Lantzeko Txartelak.
ARANO CIARRETA, ROSA MARI. EREIN ARGITALETXEA. ISBN: 978-84-7568-910-4 EAN: 9788475689104


5. Bagoaz. HABE. Gida didaktikoa. Baliabideak.


http://www.ikasbil.eus/web/ikasbil/habeko-berriak-fitxa?p_p_id=56_INSTANCE_Lz75&p_p_lifecycle=0&p_p_state=normal&p_p_mode=view&p_p_col_id=column-1&p_p_col_pos=3&p_p_col_count=4&articleId=1812151&groupId=10138


6. Esanbaki


http://esanbaki.onoff.es/






http://animaliak.onoff.es/



http://eukenebost.blogspot.com.es/p/hipi.html






2017/05/09

Ikuspegik argitaratutako zenbait dokumentu

Ikuspegi – Immigrazioaren Euskal Behatokian Haur eta gazteen aniztasuna EAEn. (Oker izendatutako) bigarren belaunaldiak izenburua duen ikerketa lantzen ari gara. Honen helburu nagusia Euskadin bizi diren jatorri atzerritarreko pertsonen seme-alaben fenomenoa ezagutzea da, ikuspuntu dibulgatzailea erabiliz.

Hona hemen argitaratutako dokumentuak eskuratzeko loturak:

Euskarazko bertsioak


Gaztelaniazko bertsioak

2017/02/24

Kultura Arteko Hezkuntza: otsaileko bileran aipatutako zenbait baliabide

Eskola kulturaniztunetan irakastea eta ikastea. Elizabeth Coelho. 2016

Elizabeth Coelhok 1998. urtean ingelesez argitaratutako Teaching and Learning in Multicultural Schools liburuaren itzulpena da
Liburua eskola eta eskolabarruti eleaniztun, kulturaniztun eta arrazaniztunetako irakasle, zuzendari eta curriculum-aholkulari guztientzat idatzia da. Praktiketan ari diren irakasleek eta eskola kulturaniztunetan lan egiteko prestatzen laguntzen dieten hezitzaileek ere aurkituko dituzte lanerako iradokizun eta ideia baliagarriak liburu honetan. Liburu honetako ideia eta gai batzuk, azkenik, hezkuntzaikertzaileei gerta dakizkieke interesgarri aztergai gisa.





Bideoak

https://sites.google.com/a/berrigasteiz.com/a02-kulturartekotasuna-mintegia-seminario-interculturalidad/material-osagarria-material-complementario/bideoak-videos

2017/02/21

Kultura Arteko Hezkuntza: oinarrizko ideia batzuk

Kultura arteko hezkuntzaren helburua gizarte bateko kultura desberdinak ezagutu, ulertu eta errespetatzeko prestakuntza eta aukera ematean datza.

Ikastetxe batean zenbait ekintzaren bidez gara daiteke:

  • Etorri berrien harrera egokia eskaintzen. Harrera Plana egiteko gida.
  • Ikastetxeko ikasle guztiekin jarduerak egiten.
  • Irakasleen prestakuntza sustatzen.
  • Familiekiko harremanak kontuan hartzen.
Hona hemen baliabide batzuk: